《復仇者聯盟4》後Marvel將推出6位超級英雄的獨立影視作品

steven0224

正當大家都以為《復仇者聯盟4》（Avengers：Endgame）會係Marvel系列最後一部電影嘅時候，Marvel 又宣布佢地正喺度籌備緊四部新嘅英雄電影，真係聽到都興奮！近日，迪士尼公布了自家的影音平台 Disney+ 將在今年 11 月 12 日正式上線，而首波主打影集將是由以下六位Marvel超級英雄作為為主角的故事。四部英雄影視作品包括《洛基 Loki》、《紅女巫與幻視 Wanda Vision》、《獵鷹和寒冬戰士 The Falcon and The Winter Soldier》以及「鷹眼」同「女鷹眼」（名稱待定）嘅獨立影視作品。全部預計會喺2020 年底前推出！睇嚟各位超級英雄fans之後都仲有排忙！





《洛基 》（Loki）
《洛基》獨立電影繼續由大家最愛嘅男神Tom Hiddleston主演！《復仇者聯盟3：無限之戰》入面已被魁隆殺死嘅「洛基」係最令人唔捨得嘅角色之一，畢竟佢過去和哥哥「雷神」（Chris Hemsworth）之間嘅互動實在太可愛！



Fans都好希望「雷神」 Chris Hemsworth可以客串下《洛基》嘅獨立影視作品，有機會再睇到佢地兩兄弟同框演出！



《紅女巫與幻視》（ Wanda Vision）
「紅女巫」同「幻視」係《復仇者聯盟3：無限之戰》中留下最令人心疼嘅愛情故事。紅女巫為咗拯救幻視不惜一切代價，但幻視最後都係俾魁隆殺死咗，而紅女巫亦都化作灰燼⋯⋯



不過，兩個角色嘅演員Elizabeth Olsen同Paul Bettany近日確認將出演《紅女巫與幻視》獨立影集，都叫做彌補咗fans們心入面嘅遺憾。



「鷹眼」與「女鷹眼」獨立影視作品（名稱待定）
一直喺《復仇者聯盟》電影系列中被冷落的「鷹眼」，終於有自己嘅獨立故事，做返次主角！



「鷹眼」演員Jeremy Renner正在洽談回歸計畫，漫畫中初代鷹眼同第三代嘅「女鷹眼」都將會首次出現喺Marvel嘅影視作品入面，最終選角令人非常期待！



《獵鷹與寒冬戰士 》（The Falcon and The Winter Soldier）
「獵鷹」Anthony Mackie和「寒冬戰士」Sebastian Stan兩人將聯手出演《獵鷹與寒冬戰士》獨立影視作品！咁睇嚟「美國隊長」 Chris Evans就算退咗休都後繼有人。



美國媒體已爆料《獵鷹與酷寒戰士》已進入拍攝階段，而且將會係四部Disney＋推出嘅Marvel超級英雄獨立影視作品中中最早面世嘅一部！



Disney+ 暫時將呢 4 部Marvel英雄獨立影視作品定為 6−8 集嘅長度，預計 2020 年底前將會盡數推出！《復仇者聯盟4：終局之戰》（Avengers：Endgame）之後，唔止有Scarlett Johansson主演嘅「黑寡婦」獨立電影，仲有呢 6 個復仇者嘅故事值得留意呀！

jeffrey

期待新影集

mibird

謝謝分享

kwong20000

仲有三套
月光騎士、女浩克同驚奇女士

docomovtc

Marvel真係如日中天，大人氣